Czechia ndiyo waliokuwa wa kwanza kupata bao kupitia Ladislav Krejci dakika ya 59 na kuonekana kuwa katika nafasi nzuri ya kuondoka na pointi tatu muhimu. Hata hivyo, Korea Kusini haikukata tamaa na kuanza kuongeza kasi ya mashambulizi yao.

Dakika ya 67, Hwang In-Beom aliisawazishia Korea Kusini kabla ya mshambuliaji aliyeingia kama mchezaji wa akiba, Oh Hyeon-Gyu, kufunga bao la ushindi dakika ya 80 na kuwapa mashabiki wao furaha kubwa.

Korea Kusini ilionyesha nguvu kubwa ya kisaikolojia baada ya kuruhusu bao la kwanza. Badala ya kuyumba, waliendelea kucheza kwa utulivu na kuongeza presha kwa wapinzani wao. Mabadiliko ya kocha pamoja na matumizi mazuri ya wachezaji wa akiba yalibadilisha kabisa mwelekeo wa mchezo.

Kwa upande wa Czechia, walionekana kukosa ubunifu baada ya kupata bao la kuongoza. Walijikita zaidi katika kulinda matokeo kuliko kutafuta bao la pili, jambo ambalo liliwapa Korea Kusini nafasi ya kurejea mchezoni na hatimaye kuondoka na ushindi.

Matokeo hayo yanaifanya Korea Kusini kujiweka katika nafasi nzuri ndani ya Kundi A huku Czechia ikianza mashindano kwa presha kubwa ya kutafuta ushindi katika mchezo wake unaofuata.

@omriamajl