Kocha wa Spain national football team, Luis de la Fuente, ametangaza rasmi kikosi cha mwisho cha wachezaji 26 kitakachoshiriki Kombe la Dunia 2026, huku historia mpya ikiandikwa baada ya kutokuwepo hata mchezaji mmoja kutoka Real Madrid CF kwa mara ya kwanza katika historia ya timu hiyo ya taifa.
Miongoni mwa majina makubwa yaliyoachwa ni beki mkongwe Dani Carvajal ambaye alikosa nafasi kutokana na msimu mgumu uliogubikwa na majeraha ya goti, misuli pamoja na kuvunjika kwa kidole cha mguu mwezi Mei.
Taarifa zinaeleza kuwa Carvajal alicheza chini ya dakika 900 msimu mzima kutokana na matatizo hayo ya kiafya, jambo lililomfanya kocha kuamua kuwapa nafasi mabeki walioonekana kuwa kwenye kiwango bora na utimamu wa mwili kama Pedro Porro pamoja na Marcos Llorente.
Hatua hiyo pia imekuja siku chache baada ya Carvajal kucheza mchezo wake wa mwisho akiwa na Real Madrid ndani ya Santiago Bernabéu ambapo mashabiki walimpa heshima maalum ya kuaga.
Hispania sasa inatarajiwa kuingia kwenye Kombe la Dunia 2026 ikiwa na kikosi kipya chenye wachezaji vijana wakiongozwa na nyota wa FC Barcelona, Lamine Yamal.
@omriamajl
