Rais wa Real Madrid, Florentino Pérez, amezungumzia kwa mara nyingine hatma ya nyota wa klabu hiyo Vinícius Júnior huku akisisitiza kuwa anatamani mchezaji huyo aendelee kubaki Santiago Bernabéu kwa muda mrefu zaidi.
Kauli hiyo imekuja wakati ambapo mazungumzo ya kuongeza mkataba wa Vinicius bado yanaendelea kujadiliwa. Kwa sasa mkataba wa nyota huyo wa Brazil unatarajiwa kumalizika mwaka 2027, jambo ambalo limezua mjadala kuhusu mustakabali wake ndani ya klabu hiyo.
Pérez amesema kuwa bado kuna muda wa kutosha kufikia makubaliano mapya na kwamba Vinicius ni mmoja wa wachezaji muhimu walioisaidia Real Madrid kutwaa mataji makubwa katika miaka ya hivi karibuni.
Kwa upande wake, Vinicius ameendelea kuonyesha mapenzi makubwa kwa Real Madrid akieleza kuwa hajawahi kujifikiria akicheza mbali na klabu hiyo ambayo ameielezea kama timu ya ndoto zake tangu akiwa mdogo.
Mashabiki wa Madrid sasa wanasubiri kuona kama pande zote zitafikia makubaliano mapya yatakayomfanya nyota huyo kuendelea kubaki ndani ya klabu kwa miaka mingine zaidi.
@omriamajl
