OMRIAMA

Feco Amadan, maarufu kwa jina la London Boy, ni mmoja wa vijana waliotokea Kambi ya Wakimbizi ya Nyarugusu ambao wamefanikiwa kujenga jina kubwa kupitia vipaji vyao.

Kabla ya kuwa content creator maarufu, Feco Amadan alikuwa msanii wa muziki aliyewahi kutoa nyimbo mbalimbali zilizopendwa na mashabiki wengi ndani na nje ya kambi ya Nyarugusu. Nyimbo zake zilimfanya ajulikane na kupata mashabiki wengi kutokana na kipaji chake cha muziki.

Baadaye, aliamua kuhamia kwenye utengenezaji wa maudhui ya mitandao ya kijamii, ambapo leo hii amekuwa mmoja wa content creator wanaofanya vizuri zaidi kutoka Nyarugusu. Video zake za ucheshi na burudani zimeendelea kuwavutia watazamaji kutoka Tanzania, Burundi, Kenya pamoja na mataifa mengine.

Mbali na kutengeneza maudhui yanayoburudisha, Feco Amadan amekuwa akitoa ushirikiano kwa wasanii na vipaji mbalimbali kwa kuwasaidia kujitangaza kupitia kurasa zake za mitandao ya kijamii.

Hata hivyo, bado wapo mashabiki wengi wanaojiuliza swali moja; kwa nini Feco Amadan aliacha muziki, ilhali alikuwa akifanya vizuri na alikuwa na kipaji kikubwa? Ni swali ambalo wengi wanaendelea kutafuta jibu lake.

Cc @omarijuma
Follow @omriamajl and @omriamajlnews
Visit www.omriama.com